|
Nyu-Yorku taxtabitilər basıb
Həşəratların küçəyə atılmış əşyalarla evdən evə yayıldığı güman olunur
Dünyanın ən müasir şəhərlərindən biri hesab olunan Nyu -ork şəhəri taxtabitilərin hücumuna məruz qalıb. Şəhər rəsmiləri bildirib ki, indiyə qədər şəhərin müxtəlif yerlərindən 10 minə yaxın şikayət daxil olub. Rəsmilər həmçinin hücuma məruz qalanların 311 yardım xəttinə zəng vurmasını istəyib. Həşəratların küçəyə atılmış əşyalarla evdən evə yayıldığı güman olunur. Şəhər əhalisinə işlənmiş əşya almaması üçün xəbərdarlıq edilib. Səhiyyə təşkilatından verilən məlumata görə, taxtabitilərin yayılması indilik insan səhhətinə birbaşa təsir edəcək səviyyəyə çatmayıb, amma artıq bəzi məktəb və yaşayış binalarında böcəklərə rast gəlinib. Rəsmilər şikayətin ən çox Broklin səmtindən gəldiyini deyib və hücuma məruz qalanların hökmən həkimə müraciət etməsini tövsiyə edib.
| 
